فاروق العجي
07-21-2009, 03:49 PM
هذه الرائعة تضافة الى رصيد الشاعر الكبير / عبد العزيز مسعد ظيف الله العجي.
لما تحمله من مشاعر فياضة تترجم اجمل احاسيس الابوة
قصيدة في قمة الجمال بكل ماتحمله الكلمة من معنى
مع التطرق الى اكثر من موضوع وتختم ببازل جميل ارجوا من الجميع
المحاولة على حل البازل .
يالله يافارج الضيقات بعد الشدايد = والعسر بالميسره
يالله انا طالبك حسن العمل والعقائد= وطالب المغفره
الحمد لك مالمع بارق وما حن راعد= وما نزل ماطره
يقول ابو مسعد ان القلب حامي وبارد=والنفس متكدره
ايش السبب كل شي عندي في البيت واجد= ماشي علي قاصره
من فضل ربي قد النعمه ملان الموائد=انا احمده واشكره
ما عاد راحه في المدكا وكثرالوسائد=قيله ولامسمره
ليال مرت علي سهران والنوم شارد=واعصاب متوتره
فراق الاولاد خلاني تركت الفوائد=ما عاد بي مقدره
قد زاد اثر على قلبي فراق ام خالد= فراقها معسره
حتى الدموع اقبلت في العين مثل المبارد=نهار هي ناشره
ماكان قصدي نفارقها ولاشبر واحد = لكن قدي معذره
هذا الفراق الذي يابنتي الله شاهد=ماكنت متصوره
لكن على شفكم مانا معارض وحاسد=والقلب باصبره
واللازمه ذي علي باقول في حفظ واحد=ذي عينه الناظره
والان خطي معك ياذي في الجو صاعد=في ناقله عابره
على الامارات ذي فيها الكبد والزوائد= ونفس الطاهره
ذي افرقت مننا مهما يكون التباعد= في القلب هي حاضره
ماكنت ناوي سفر بنتي ولا كنت قاصد=ان باتجي تذكره
والله لوما انا واثق وراكن وزاهد=ما تطلع الطائره
هي عند راعي امانه ضلعها والسواعد=وشيمته وافره
يعرف بمعنى الامانه عنده الصدق واجد= ما يخرج العاثره
حسين ذي ينتسب لعلى الحصون الرواكد=للعصبه الجاسره
جده سعيد العجي ذي من عصيمات حاشد =من الذي ينكره
بلغ حسين ابن ظيف الله له الخط قاصد=وبالعطور اغمره
عليه مني ملان البيت ذي فيه عامد= واهله ومن جاوره
ذي هو على الناموس دائم مجاهد=رب السماء ينصره
وزيد ابنه سلام اعشار من عند والد=خالد سلا خاطره
وابلغ تحيه لبو محسن بها حب زايد=بالمستكا عاطره
ظيف الله الجيد رشه عطر سائل وجامد=مخصوص من تاجره
وجمع الاصحاب سلم للشباب الاماجد=عديد حب الذره
وابلغ سلامي لمانع ماتحن المجارد=بالمسك وتخبره
هل عاد قلبه ولع عاده يحب القصائد=ايش الذي حيره
قل قال لك صاحبك عبد العزيز ابن مسعد=ماعاد لاتذكره
احنا نوينا لفتح الباب وانته مبند= الشعر لاتهجره
مارس نشاطك معه جدد له العهد جدد=وما حصل صدره
المحرم اليوم قد علمه طلع في الجرايد=بلاد متطوره
انهارها طالعه مثل السيول الموارد=سبحان من سخره
الناس كلا رجع للحقل يزرع ويحصد=بالخير متباشره
حتى الغواني رجعن للشرف والعوائد = قد عادة الذاكره
ومن جنابي أنا يستاهلين الشهايد =والعز والمقدرة
قد الملابس طويله في جميع البلاود =مناسبه فاخرة
حتى ولو زادت العدة قد السرف واجد=تغسل الشاطرة
ماعادهن شي في الستين ذي كنت عاهد =قد المائة جابره
يامانع أحزيك من خمسة لهم رأي واحد =كلنا علي منبرة
يأتوك لا منزلك وانته في البيت قاعد=ولا في الدائرة
صحبة نظيفة تحصل من وراهم فوائد=وأعمالهم خيرة
ومن تكبر على عاداتهم أو يعاند=يده على صابره
والختم نذ كر نبي ذي نال كل المقاصد=شفيع في الاخره
صلي وسلم عدد مايدرسوا في المساجد=ويامن سمع يذكرة
مع تحيات / فاروق العجي
لما تحمله من مشاعر فياضة تترجم اجمل احاسيس الابوة
قصيدة في قمة الجمال بكل ماتحمله الكلمة من معنى
مع التطرق الى اكثر من موضوع وتختم ببازل جميل ارجوا من الجميع
المحاولة على حل البازل .
يالله يافارج الضيقات بعد الشدايد = والعسر بالميسره
يالله انا طالبك حسن العمل والعقائد= وطالب المغفره
الحمد لك مالمع بارق وما حن راعد= وما نزل ماطره
يقول ابو مسعد ان القلب حامي وبارد=والنفس متكدره
ايش السبب كل شي عندي في البيت واجد= ماشي علي قاصره
من فضل ربي قد النعمه ملان الموائد=انا احمده واشكره
ما عاد راحه في المدكا وكثرالوسائد=قيله ولامسمره
ليال مرت علي سهران والنوم شارد=واعصاب متوتره
فراق الاولاد خلاني تركت الفوائد=ما عاد بي مقدره
قد زاد اثر على قلبي فراق ام خالد= فراقها معسره
حتى الدموع اقبلت في العين مثل المبارد=نهار هي ناشره
ماكان قصدي نفارقها ولاشبر واحد = لكن قدي معذره
هذا الفراق الذي يابنتي الله شاهد=ماكنت متصوره
لكن على شفكم مانا معارض وحاسد=والقلب باصبره
واللازمه ذي علي باقول في حفظ واحد=ذي عينه الناظره
والان خطي معك ياذي في الجو صاعد=في ناقله عابره
على الامارات ذي فيها الكبد والزوائد= ونفس الطاهره
ذي افرقت مننا مهما يكون التباعد= في القلب هي حاضره
ماكنت ناوي سفر بنتي ولا كنت قاصد=ان باتجي تذكره
والله لوما انا واثق وراكن وزاهد=ما تطلع الطائره
هي عند راعي امانه ضلعها والسواعد=وشيمته وافره
يعرف بمعنى الامانه عنده الصدق واجد= ما يخرج العاثره
حسين ذي ينتسب لعلى الحصون الرواكد=للعصبه الجاسره
جده سعيد العجي ذي من عصيمات حاشد =من الذي ينكره
بلغ حسين ابن ظيف الله له الخط قاصد=وبالعطور اغمره
عليه مني ملان البيت ذي فيه عامد= واهله ومن جاوره
ذي هو على الناموس دائم مجاهد=رب السماء ينصره
وزيد ابنه سلام اعشار من عند والد=خالد سلا خاطره
وابلغ تحيه لبو محسن بها حب زايد=بالمستكا عاطره
ظيف الله الجيد رشه عطر سائل وجامد=مخصوص من تاجره
وجمع الاصحاب سلم للشباب الاماجد=عديد حب الذره
وابلغ سلامي لمانع ماتحن المجارد=بالمسك وتخبره
هل عاد قلبه ولع عاده يحب القصائد=ايش الذي حيره
قل قال لك صاحبك عبد العزيز ابن مسعد=ماعاد لاتذكره
احنا نوينا لفتح الباب وانته مبند= الشعر لاتهجره
مارس نشاطك معه جدد له العهد جدد=وما حصل صدره
المحرم اليوم قد علمه طلع في الجرايد=بلاد متطوره
انهارها طالعه مثل السيول الموارد=سبحان من سخره
الناس كلا رجع للحقل يزرع ويحصد=بالخير متباشره
حتى الغواني رجعن للشرف والعوائد = قد عادة الذاكره
ومن جنابي أنا يستاهلين الشهايد =والعز والمقدرة
قد الملابس طويله في جميع البلاود =مناسبه فاخرة
حتى ولو زادت العدة قد السرف واجد=تغسل الشاطرة
ماعادهن شي في الستين ذي كنت عاهد =قد المائة جابره
يامانع أحزيك من خمسة لهم رأي واحد =كلنا علي منبرة
يأتوك لا منزلك وانته في البيت قاعد=ولا في الدائرة
صحبة نظيفة تحصل من وراهم فوائد=وأعمالهم خيرة
ومن تكبر على عاداتهم أو يعاند=يده على صابره
والختم نذ كر نبي ذي نال كل المقاصد=شفيع في الاخره
صلي وسلم عدد مايدرسوا في المساجد=ويامن سمع يذكرة
مع تحيات / فاروق العجي