ممنوع دخول الشباب اليوم مخصص للعائلات !!!!!!

[[ بوجراح ]]

ممنوع دخول الشباب اليوم مخصص للعائلات !!!!!!!!!!


:confused:


ايها الشاب هل منعت يوما من دخول مجمع بسبب تخصيصه للعائلات ؟ ما رأيك؟



ايتها الشابه هل المنع خلق بيـئـه افضل للتسوق ؟ ما رأيك؟



بمشاركتكم يثرى النقاش منكم و اليكم

[..][المــأمــون][..]

اول شي مبروك على افتتاح القسم

وبخصووص موضوع أخوي أبوجراح

الصـراحه هالسالفـه من مده ماشفناها

عادي مادري للحين موجوده ولا خلاص

مالي ف المجمعات إلا سينما ولا اتشرى اغراض

يعني ف الشهر مرتين ثلاث ..

اما بخصووص سؤالك اذا منعت من قبل من دخول مجمع

بسبب انه مخصص للعائلات .. والله من زمان صارلي هالموقف

وكنت ابي اروح ميغا مارت اعتقد اسمها كذا اللى ف الاند

بس الفلبيني قالي سوري اونلي فاملي توداي ..

وعينك ماتشوف إلا النور 20 ريال في مخبى الفلبيني ودخلت

عادي .. والمشكله إن نص المجمع كان شباب

يعني ماصار شي غير إن السيكورتي ترزق من السالفه وبس



السموحه ع الإطالـه ..


وعسـآك ع القـوؤة

[شايع العجي]

سلام الله عليكم يا شباب ..

أولا اشكرك بو جراح على هالموضوع اللي لازم الكل ينتبه له بشكل واضح..

انا ماشفت هالشي الا بصراحه في الدوحة .. يحطون قانون للسناتر يوم مخصص للعائلات (Family Day) اللي معتادين عليه جميع الدول العربية انه هالقانون فقط للحدائق والمتنزهات.

من ناحية إيجابية هو شي ممتاز جدا للعائلة انها تاخذ راحتها في التسوق دون ازعاج من اصحاب النفوس الضعيفه اللي هم (المغازلجيه) او اصحابين العيون الطويلة اللي يقنصون البنت على بعد عشرطعشر الف ميل ههههههه

بس ترى هالقانون مثلا بيزعج بعض الشباب ويتنرفزون يوم يوصلون لباب المجمع ويقوله السيكيورتي يوم للعائلات فقط, طبعا مثل ماقال اخونا الغالي المأمون عشرين ريال وزحلق الفلبيني ووسيلة وترزق منها الحبيب ويوم دخل وشاف السنتر مليان شباب..

بعض الشباب يروحون يتشرون ومخصصين هاليوم للتسوق ويتفاجأ مسكين ان المحل اللي يبا يروح له في السنتر مايقدر يروح له لانه يوم عائلي والحبيب متعب نفسه ومأجل مواعيده بسبب اشغاله كانت مع العائله او الاصدقاء او الدوام ومخصص هالوقت للتسوق.. شو بيسوي؟

وبعدين المجتمع الخليجي بدون تحديد يسير منهجه نحو الاختلاط والشين والزين موجود في كل مكان.. يعني بالعربي يا ناس افهموا اخوانا المغازلجيين مابيروحون عند بنت محترمه ويقولون لها ممكن نتعرف طبعا لا فكلمه أوجهها لاخوتي المغازلجيه خاصه اللي وجوهم اقسى من قار الشارع نفسه بليزززز بسببكم مره يوم كنت في الدوحه جاي ادخل فلاجيوووو قالي السيكيورتي لا ممنوع ارباب اليوم مافيه ريال يسير داخل هههههههههههه

يعني السواح مثلا بيمنعهم بعد وبيقولون هاه شوفوا التخلف اللي عند العرب

والسموحه منكم على مداخلتي الثقيله ^_^ومشكور مره ثانية اخوي بو جراح

[بوعوف العجي]

قواااك الله يالزين ويعطيك العافيه


الحمدلله انه ماصارلي هالموقف ولا بيصير انشاء الله


القاانون حلو ومب حلو


حلو :: للعوايل بأنهم يقدرون ياخذون راحتهم والبنت تكون مع امهااا

ومافي شبااب ولا مغازل ولا ما يحزنوون العوايل صايدين الجو بس

الشبااااااب وينهم


مب حلو :: للشباااب ما يقدروون يطلعون اي مكاان يعني مافي اماكن

يروحون لها اخر شي يفكرون في خط مسيعيد وسيلين

يصير التجمع هنااك وعالم والشباب كلهم متجمعين في مكااان وااحد

هنا تسير الحوادث وفلان مات وفلان انقلب ...الخ,,,,,,,,,,,,,


المشكله وما فيهااا ان الشباب عيونهم زااايغه في كل مكان

وعليهم رزة وجه مب صاحيه

ودعتكم حااافظ

[[ بوجراح ]]

اخوووي المأمون


قواك ربي ،،

هذي هي المشكله ،، سالفة العشرين ريال !
يعني لو يتم تطبيق القااانون صح ،، بيكون الشي أفضل ،،

ولاهنت ،،

[[ بوجراح ]]

اخوي شايع

بيض الله وجهك ولا هنت ع المداخله الطيبه ،،

وانت صادق يالغلا ،، بس تدري في بعض الاحيااان ،، تلقى الحرمه حريتها
اكثر لما يكون اليوم مخصص للعائلات ،، بشرط وهو تطبيق هالقااانون صح !!

يعني نفس ما قال اخووي المأمون ،، مايصير تحط له عشرين ريال

وتمشي اموورك وتدخل ،،

[[ بوجراح ]]

بوعووف ،،

حيااك الله يالغلا ،،

والله لو جيت على سالفة حلوه ومب حلووه ،،

فأنا اشووف راحة العائلة ألزم من الشباب ،،
يعني ،، ممكن الشاب يحاااول يألف اي جدول ،، ويروح اي مكان ،،

بس العاائلة ،، صعب عليها ،،


شاكرلك رااايك يالغلا ،، ولاهنت ،،

[أنيــن الذكريات]

أتمنى ان يُفعّل هذا القرار .. ويطبّق بشكل أفضل ,,

بدون ( رشاوي ) وما شابه ..!!


انا ضد تجمع الشباب في مكان عام ومختلط .. وارفض هذا الأمر بشدّه ,,

إذا كنتم أيها الشباب .. شغوفين بالذهاب للمجمعات .. لماذا لا تذهبون مع أسركم ؟؟!

والا حرام الشاب يطلع مع اسرته ويتمشى معهم ..؟!

المؤسف في هذه الايام .. ان الشاب لم يعد يجد راحته ومتعته إلا مع رفاقه الشباب


وكأن العائله والبيت أصبحوا أمر ثانوي .. وليس ذو أهميه ..!

فتجد هؤلاء لا يرون عائلاتهم إلا في الشهر مره .. والسبب ( قعدات الشباب ! )


لا والمشكله إنهم يطالبون بـ إزالة نظام ( الفاملي داي ) ...!


لو أن شباب هذه الايام فيهم ( خيــر ) .. لماذا وُضعت مثل هذه الأنظمه .!!








الكلام .. يشمل فئه معينه من الشباب .. ولا يعمم :)

[[ بوجراح ]]

انين الذكريات

شاكر لج رايج وصراحتج ،،

وانا معاج في ان يُفعّل هذا القرار .. ويطبّق بشكل أفضل ,,

بدون ( رشاوي ) وما شابه ..!!


ولكن كون إلزام الشباب بعدم الذهاب إلى المجمعات إلا مع أسرهم ،،
فهذا أمر يعتبر خيالي ،، لأن الرجل بصفه عامه سواءً كان شاب او كبير في السن
يحتاج إلى الجلوس مع فــئـه معينه من اصدقاءه بحكم توافق الافكار او المصالح العامه ،،

ولكن في المقابل هذا لايعني ان تكون اسرته امر ثانوي في حياته بالعكس لهم كل الأولويه

ولكن ليس بشكل مستديم ،،

وبخصوص موضوع طلب الشباب لإلغاء الـ Family day طبعاً هذا يرجع

لأن اليوم هذا تخصص في عطلة الاسبوع ،، ولكن في المقابل هذا لايعني
بأن إلغاء هذا اليوم شي صحيح أو مقبول ،،

شكراً مره أخرى ع التعليق ،،


كل الود ،

[أبو عبدالله العجي]

السلام عليكم جميعاً....
موضوع طيب وأراء جميله ....
أنا بصراحه مع تخصيص أيام للعائلات ومثل ما تفضل أكثر المشاركين وعلى راسهم مأمون بدون (بغشيش) ...
انا رحت أكثر من مره في أيام مخصصه للعائلات بدون علم انا هذا اليوم مخصص للعائلات ويخلوني أدخل عااادي وأشوف مجموعة شباب يحاولو مع الامن انهم يدخلوهم ويدخلون عاادي...
مع العلم اني اذا اروح اكون مضطر للدخول اما كيوتل او شغل ضروري...
بس أشوف مناظر ما تسر والله....
البنات ماخذات حريتهم وكانهم في حوش بيتهم ....
والله المستعااان....
سوري ع الاطاله...
تقبل مروري بوجراح