قصيدة خادم الحرمين الشريفين الملك فهد بن عبدالعزيز رحمه الله

[صبي حاشد]

قصيدة خادم الحرمين الشريفين الملك فهد بن عبدالعزيز رحمه الله
عندما كان مريضا في لندن في شهر شوال من عام 1385هجري
حيث بعثها الى المرحوم الامير فهد بن سعد
يشكو فيها قساوة المرض


يابو سعد صارت على اخوك غارات
شهرين اقاسي مـن شديـد الغرابيـل

سو المرض يحمل على اخوك حملات
مافي يدي حيله ولا في يـدي حيـل

والله فزع من فوق سبـع السمـاوات
وانا احمد الله يوم صـارت تساهيـل

ماينفع الخايـف والايـام عجـلات
الخوف ماينفـع ولا القـول والقيـل

حنا هل العوجـا ولا بـه مـروات
شرب المصايب مثل شرب الفناجيـل

لاشك انا مشغول في كـل الاوقـات
على الـذي حنـا بظلـه رجاجيـل

ماني على نفسـي كثيـر الحسافـات
لاسلم راسه روسنـا رفـاع بالحيـل

حامـي حمانـا بالليالـي المخيفـات
لو صـار بالعالـم كثيـر الزلايـل

فخر العروبـه بالعـدل والمسـاواه
هذاك هو فيصـل ولا فيـه تشكيـل

يشهد له اللـي شاهـدوا منـه ليـات
ويشهد له التاريخ جيـل بعـد جيـل


فاجابه الامير \ فهد بن سعد رحمه الله بهذه القصيده :



يامرحبـا بكتـاب زبـن المـخـلات
اهـلا هلابـه عـد وبـل الهماليـل

حمـدت مـن زال الكـدر بالمسـرات
فكاك مـن صكـت عليـه المحابيـل

فـزع لـك اللـي عالـم بالخفـيـات
مبري جروح ايوب غيـث المراميـل

لعل مايزعج علـى فقـدك اصـوات
ولعلهـا لـك يابـو فيصـل تماهيـل

الله يجيرك مـن صواديـف الافـات
عسـاك تسلـم ياعشيـر المشاكـيـل

ماانت برخيـص ياربيـع القرابـات
لو هي بالايدي كان دونـك حلاحيـل

ترا لنا بـك يافتـى الجـود هقـوات
في وقتنا الحاضـر وباللـي مقابيـل

يفـداك ربـع قصـروا بالمهـمـات
اللي علـى القـالات ماتنطـح الشيـل

بعض العرب حي ومن عرض الاموات
مايرتجـي نفعـه بحـل المشاكـيـل

وفيصـل ذرانـا بالسنيـن المخيفـات
هو درعنا الضافي الى ضدنـا الميـل

اللـي نقـل عنـا حمـول ثقـيـلات
راس الحصيـل ان كملـن الحصيـل

[بوعوف العجي]

يعطيك الف عافيه صبي حاشد
ولا تحرمنا من جديدك


تحياتي



بوعوف العجي

[العجــي]

يعطيك الف عافيه

[{القناص}]

يعطيك الف عافيه اخوووووي ولا تحرمنا من جديدك

[قـرنـاس قطـر]

سلامي عليـك والله ويعطيكـ الفـ عافيـه قمـه علـى قمـه ومن انسـان قمــه لاهنت يـاعاشـق البنت يـالي مابغت غيـرك انتــ ....

[[ بوجراح ]]

تسلم يالغالي

وعساااك ع القوووهـ


×× أبدعت وبإنتظار جديدكـ ××


تقبل مروري

:)



بوجراح العجي

[بوعوف العجي]

&&& يعطيك العافيه اخوي &&&

^_*ـــــــــــــ الأبداع من صفاتك يالغلا ــــــــــــــ*_^

*_^ـ ـ ـ ـ ـ ـ ـ ـ وما قصرت ـ ـ ـ ـ ـ ـ ـ ـ ـ*_^

^_*ـــــــــــــــ بأنتظار جديدك ــــــــــــــــــ^_*

ـــــــــــــــ&&&دمت بود&&&ـــــــــــــ

++++تقبل مروري++++

} تحياتي {



بوعوف العجي

[علي العجي]

http://up.ma7room.com/images/2hwnzzj0y0xpocf6p1r.gif (http://up.ma7room.com/)