حيـا الله اللـي يغيـب ويـسـرع الــردة

[بوصالح العجي]

حيا الله اللي يغيب ويسـرع الـردة
اللي يجينـي الـى منـه تباطانـي
قلبـي يـوده وحالـي كنهـا القـدة
ودي بشوفه ودونه حـوم عقبانـي
ياصاحبي جارك الله ويش هالصـدة
ماهـوب حـق تولعنـي وتنسانـي
وان كان عند ك حكى بي خامل السدة
فانت المصدق وانا حقي وما جانـي
اهرج على ما تورى والبخـت بـده
لاتستحـي يابعـد حيـي وحيانـي
ترى حلاة الهـوى لاطالـت المـدة
ماهوب يوم صديق ويـوم قومانـي
وان كان ما انت مصافيني على الشدة
وقت الرخا واجـد ربعـي وخلانـي

[همس المسآ]

يعطيك العافيه اخوي عالابيات الحلووه وصح لساانكــ

تقبل مروري ,,